Најтрофејниот олимпиец секојдневно се бори со депресијата
Сопругата на најдобриот пливач на сите времиња, Мајкл Фелпс, Никол ја отвори душата за американскиот „Тудеј“ и призна дека стравува за сопругот кој се бори со депресија.
Фелпс неодамна изјави дека мисли оти никогаш нема целосно да се излечи и призна дека стравувал за својот живот поради мислите кои му доаѓаат.
– Јас сум човек кој поминал најмалку три или четири периоди на тешка депресија во Олимписките игри и си го доведов својот живот во опасност – призна Фелпс.
Никол која со Мајкл Фелпс има три деца (Бумер има четири години, Бекет 2, Маверик 16 месеци), призна дека секој ден стравува поради болеста на нејзиниот сакан.
– Кога видов како и е на Ванеса кога го загуби Коби, се што можев да сторам беше да го погледнам Мајкл и да му кажам: Можеме ли да ти помогнеме? Бидејќи доколку те загубам, не знам што ќе правам – зборува Никол, која е поранешна Мис Калифорнија.
View this post on Instagram
Таа секојдневно се обидува да му помогне на својот сопруг, но сфатила дека тоа може да го прави до одредени граници.
– Мајкл е најневеројатнио татко и сопруг кој можев да го најдам во својот живот. Порани мислев дека ќе можам да му помогнам како некој вид на терапевт кој му беше неопходен. Меѓутоа, тоа што го научив е дека не можете да водите сметка за тоа како се чувствуваат луѓето без разлика колку тоа го сакате. Децата се тие кои му носат насмевка на лицето и среќа како и на мене, и без нивна помош тешко дека ќе го издржев сево ова – објаснува Никол.
Од друга страна, пандемијата на коронавирусот ја влоши состојбата на Фелпс и самиот пливач го признава тоа.
– Никол ме сака и се обидува да ми помогне да се опоравам. Меѓутоа, таа сама се бори. На неа и е потребна поддршка бидејќи знам дека и е тешко – откри Фелпс неодамна.
View this post on Instagram
За среќа на Мајкл, тој и Никол успеаја да пронајдат мала рутина на која пливачот е навикнат, постојано патување и натпреварување. Така тие заедно започнаа да спортуваат, а Фелпс секоја вечер подготвува вечера за семејството и состојбата малку му се подобрува.
Мајкл Фелпс е најтрофеен спортист во историјата на Олимписките игри, пливачот на Олимпијадите во Атина (2004), Пекинг (2008), Лондон (2012) и Рио де Жанеиро (2016) освои вкупно 23 златни медали.
