Најголемиот нискобуџетен авиопревозник со загуба од 220 милиони долари
Една од главните авиокомпании во Америка „Саутвест“, воедно и најголемата нискобуџетна компанија во светот, пријави загуба од 220 милиони долари во четвртиот квартал, откако „празничниот слом“ ги зголеми трошоците и ја чинеше компанијата милионски приход. Компанијата на почетокот на овој месец објави дека откажала околу 16.700 летови меѓу 21 и 31 декември поради снежна бура низ целата земја, пишува НБЦ њус, пренесува Порталот Каматица.
„Саутвест“ соопшти дека масовните откажувања ги погодија резултатите пред оданочување за 800 милиони долари, во согласност со проценката направена претходно овој месец од 725 до 825 милиони долари.
Акциите на компанијата паднаа за околу 3 отсто во претпазарното тргување по објавувањето на резултатите.
Ривалските авиокомпании главно закрепнаа околу божиќните празници, но технологијата на „Саутвест“ не беше во можност да се справи со сите промени на летот.