Голем пожар гори на падините над селото Копаница, во општината Сарај, а тој и вечерва претставува сериозен предизвик за противпожарните служби, соопшти Дирекцијата за заштита и спасување (ДЗС).

За поддршка на скопската Бригада за противпожарна заштита, во акцијата се ангажирани два противпожарни авиони „Ер трактор“, кои интервенираат од воздух, како и две специјализирани теренски возила „Пинцгауер“, наменети за гаснење пожари на непристапен терен.

Пожарникарите и тимовите на ДЗС координирано работат на локализирање на пожарот и спречување на неговото ширење кон околните населени места. Поради сложеноста на теренот и временските услови, интервенцијата се одвива со максимална мобилизација на расположливите ресурси.

Надлежните институции соопштуваат дека состојбата на терен постојано се следи и дека сите капацитети остануваат во приправност сè додека пожарот не биде целосно ставен под контрола.

Апелот до граѓаните е да не се движат во близина на зафатеното подрачје, да ги почитуваат насоките на надлежните служби и веднаш да пријават доколку забележат нови жаришта или сомнителни активности што би можеле да предизвикаат пожар.

Трагедија во Кичево: 37-годишен човек загина во пожар во стан