Израелскиот министер за национална безбедност, Итамар Бен-Гвир, им се придружи на илјадници еврејски екстремисти во влегувањето во најчувствителното свето место во Ерусалим, комплексот на џамијата Ал-Акса. Придружувани од вооружена полиција, толпата се молеше, мавташе со израелски знамиња и ја пееше националната химна, што претставува провокативно покажување политичка моќ и кршење на договор стар неколку децении. Според тој договор, познат како „статус кво“, на немуслиманите им е забрането да се молат на местото, кое муслиманите го нарекуваат ал-Харам ал-Шариф, а Евреите го нарекуваат Рид на храмовите, пишува „Гардијан“.

Hard-right Israeli minister Itamar Ben-Gvir leads a group of Israeli Jewish settlers singing and publicly performing rituals and prayers inside the Al-Aqsa Mosque compound in occupied Jerusalem, the third holiest place of worship for Muslims worldwide. pic.twitter.com/ZVB5cVROyf

— Arab Organisation (@AohrUk) July 23, 2026

Системско поткопување на договорите

Во последните години, Бен-Гвир систематски го поткопуваше тој договор со серија посети на комплексот. Тој еднострано ги промени правилата за еврејските посетители и им дозволи да донесат молитвени книги и друг религиозен материјал на местото. Во јануари, на чело на ерусалимската полиција го постави својот идеолошки сојузник, што го отвори патот за понатамошни промени.

„Гледаме огромен напредок овде“ Бен-Гвир напиша на социјалните медиуми. Тој додаде дека Евреите кои се молат таму „се чувствуваат како сопственици“. Тој претходно изјави дека сака да го крене израелското знаме во комплексот и таму да изгради синагога.

יום תשעה באב מציינים את החורבן. אבל אנחנו רואים התקדמות ענקית גם בהר הבית. תראו מה קורה כאן – יהודים שמתפללים, מרגישים כאן בעלי הבית. זה לא היה כאן אף פעם. ככה בעוד ועוד מקומות. הורדנו ב-85% את הפיגועים. בכל המקומות מבינים שמדינת ישראל היא בעלת הבית. יש עוד מה לעשות, ואנחנו,… pic.twitter.com/P15jWbEpvQ

— איתמר בן גביר (@itamarbengvir) July 23, 2026

Обвинувања за поттикнување верска војна

Палестинското Министерство за верски фондации и работи објави дека ваквите практики доаѓаат од највисоките политички нивоа на израелската влада.

„Овие провокативни практики се обид за поттикнување верска војна во целиот регион“, се вели во соопштението.

Израелската активистичка група „Мир сега“ објави на платформата X дека молитвите пред Ал-Акса и Куполата на карпата претставуваат „опасна провокација“ од страна на екстремистите кои сакаат да започнат верска војна.

„Ова директно го нарушува кревкиот „статус кво“ што ги забранува молитвите на немуслиманите на ова свето место“, рекоа тие.

Јорданското Министерство за надворешни работи остро го осуди влегувањето во комплексот и ја повика меѓународната заедница „да заземе цврст став и да го обврзе Израел, како окупаторска сила, да ги запре постојаните кршења на исламските и христијанските светилишта во Ерусалим“.

Историски контекст и нови инциденти

Посетата беше организирана на еврејскиот празник Тиша бе-Ав, кој го одбележува уништувањето на Првиот и Вториот храм на таа локација. Промените во статус квото историски се причина за конфликт. Посетата на тогашниот лидер на опозицијата Ариел Шарон во 2000 година ја предизвика втората палестинска интифада. Хамас го нарече својот напад врз Израел во октомври 2023 година „Поплава на Ал-Акса“ и како причина за тоа ги наведе израелските прекршувања на правилата во џамијата.

Одделот за исламски вакф, кој официјално управува со комплексот, објави дека 3.228 Израелци влегле во кругот во текот на утрото, а уште илјадници се очекуваат попладне. Иако премиерот Бенјамин Нетанјаху јавно ја поддржа еврејската молитва на местото и потврди дека промените биле координирани со него, тој во исто време инсистира дека Израел не го прекршил договорот.

Во текот на ноќта, илјадници луѓе маршираа низ делови од стариот Ерусалим. Според извештајот на Хаарец, некои нападнаа Палестинци и вандализираа муслимански гробишта во близина на Лавовата порта. Полицијата уапси 16 осомничени Евреи поради насилството.

ВИДЕО | Немири на влезот во Ерусалим, полицијата се судри со ултраортодоксни Евреи