ВИДЕО | Немири на влезот во Ерусалим, полицијата се судри со ултраортодоксни Евреи
Атмосферата во Ерусалим е ставена под контрола откако имаше протести на фракцијата „Ерусалим“ која организираше собири против апсење од страна на властите на ултраортодоксни мажи кои избегнуваат задолжителната воена служба.
Препорачано
Имено, како што пренесуваат медиумите демонстрантите околу 17 часот го блокираа сообраќајот под Жичениот мост на влезот во градот, а ситуацијата брзо излегла од контрола, каде насобраните толпи народ се судриле со полицијата.
תבינו את הדרמה באשקלון: עשרות מפגינים מהפלג הירושלמי נכנסו לתוך ביתו של מפקד המשטרה הצבאית תת אלוף יובל יאמין ומתבצרים שם https://t.co/2ohPMV8KN4 pic.twitter.com/iimgCNsbY3
— יואלי ברים yoeli brim (@yoeli_brim) April 28, 2026
Според извештајот на полицијата, околу 18 часот толпата одбила да се тргне од патот и почна да фрла камења и други предмети кон цивили и службени лица на органите на безбедноста.
За да воспостави ред, безбедносните сили употребија шок-бомби и таканаречен „сканк-спреј“ средство со неподнослив мирис кое се користи за растурање немири. На терен се слушаа гласни експлозии, а полицијата насилно ги отстрануваше демонстрантите за да го деблокира сообраќајот – пренесуваат медиумите.
Инаку, ова не е изолиран случај. Само еден ден претходно, истата група го блокираше автопатот 4 кај Бнеи Брак, а протестите се проширија низ целата земја.
כביש 4 נחסם לתנועה סמוך לבני ברק בגלל הפגנת חרדים נגד מעצר של בחורי ישיבות@AnnaPines_ pic.twitter.com/uz4qzaEuJt
— כאן חדשות (@kann_news) April 28, 2026
Причината за ескалацијата беше апсењето на ученикот во религиозно училиште, Нехорај Бахар, кој е обвинет за избегнување на воена служба, потег што демонстрантите го сметаат за „црвена линија“.
Очевидците на денешниот настан велат дека атмосферата во Ерусалим и понатаму е напната, а блокадите на главните патишта предизвикуваат големи проблеми за секојдневниот живот.
Израелската армија најавува дека ќе продолжи со апсењата, додека протестите стануваат сè порадикални.
Овој судир меѓу државата и ултраортодоксната заедница отвора прашања за иднината на воениот рок во Израел и за тоа колку далеку може да оди отпорот против него, пишуваат медиумите.
