Турист кој во саботата со семејството бил на плажа во хрватското место Тучепи кај Макарска, тврди дека концесионерот на плажата и неговиот син го нападнале откако поставил свои лежалки на дел од плажата. Тој вели дека дошол со сопругата и двете деца, бебе старо месец и пол и дете од две и пол години, но наишол на грубост и насилство, пишува „24сата“.

„Дојдовме на празна плажа и ги поставивме нашите лежалки на слободно место. Ни пријде едно момче и ни рече дека не можеме да бидеме таму бидејќи тие работеле на тој дел. Рече дека ќе повика комунален редар, а јас му одговорив слободно да го повика. Потоа дојде друг маж, почна да вика и да се заканува дека ќе завршиме во морето. Почнав да го снимам, а тој збесна и ги разфрла нашите лежалки. Кога престанав да снимам, тој и уште еден маж ме нападнаа, ме соборија на земја и почнаа да ме удираат. Гостите дотрчаа и ги спречија“, вели туристот, кој според говорот, е од Босна и Херцеговина.

Полицијата потврди дека на плажата во Тучепи било евидентирано нарушување на јавниот ред и мир и дека против двајца полнолетни хрватски државјани ќе бидат поднесени прекршочни пријави. Во инцидентот никој не е повреден.

„Според утврдените информации, причина за нарушувањето на јавниот ред и мир бил конфликт меѓу две лица околу начинот на користење на дел од плажата на кој се врши дејност за изнајмување опрема за спортови на вода“, соопшти сплитско-далматинската полиција, според „24сата“.

Драма во Хрватска: желка каснала тројца капачи, меѓу нив и дете