Фудбалерите на Шкендија претрпеа минимален пораз (2-1) во Љубљана на гостувањето кај Браво во втората рунда од квалификациите за Конференциската лига.

Тетовците поведоа во 11. минута по пеналот на Красниќи, но водството им траеше само до 19. минута кога Копатин израмни. Шкендија имаше шанса да поведе во самиот финиш на првото полувреме преку Нзенге, но голманот на Браво одбрани. Словенците пак, во првиот дел се закануваа преку Нухановиќ и стрелецот Копатин, но на паузата резултатот остана 1-1.

Второто полувреме започна лошо за Шкендија, Браво поведе во 56. минута преку Станковиќ. По погодокот, Словенците не биеја ниту еднаш кон голот на тетовци. Шкендија во второто полувреме упати шест удари кон голот на Браво, но не успеа да го совлада голманот Розман. Најголемата шанса ја имаше Сенегалецот Фабрис Тамба кој ја погоди пречката. Сепак, натпреварот заврши 2-1, а Шкендија ќе брка негатива следниот четврток на арената „Тоше Проески“ во Скопје.

Милан официјално ја продолжи соработката со Лука Модриќ