Времето утре ќе биде облачно и значително посвежо — на повеќето места во Македонија повремено ќе врне дожд, кој некаде ќе биде и обилен. Локално ќе има услови за појава на нестабилност со пороен дожд, грмежи и засилен ветер, прогнозира Управата за хидрометеорошки работи (УХМР).

Ќе дува слаб до умерен, а наместа долж Повардарието повремено засилен северен ветер (над 50 километри на час). Минималната температура ќе биде во интервал од 9 до 18, а максималната ќе достигне од 20 до 27 степени.

Во Скопје ќе биде променливо облачно и посвежо со повремени врнежи од дожд, наместа пообилни. Во делови од котлината ќе има услови за појава на нестабилност со пороен дожд, грмежи и засилен ветер. Ќе дува слаб до умерен северен ветер. Минималната температура ќе се спушти до 15, а максималната ќе достигне до 26 степени.

За време на викендот времето ќе биде стабилно, прогнозираат метеоролозите. Нови врнежи од дожд проследени со локална нестабилност ќе има во понеделник, а од вторник повторно ќе биде стабилно, со пораст на температурите, се вели во прогнозата.

ФОТО+ВИДЕО | Бесно невреме удри врз Скопје — орканскиот ветер корнеше покриви, кутна стотици дрвја