Македонскиот кикбоксер Ѓоргиев обезбеди најмалку бронза на Светското првенство во Италија

Димитар Ѓоргиев стартуваше со две победи на СП во Џесоло Лидо, Италија/Фото: /facebook.com/WAKO-MACEDONIA

Димитар Ѓоргиев стартуваше успешно на Светското првенство во кик бокс кое се одржува во Џесоло Лидо, Италија во категоријата лоу кик – 81 кг.

Македонскиот кикбоксер забележа победа од 3:0 против домашниот натпреварувач Давид Дано, а со истиот резултат триумфираше и над Србинот Милош Даковиќ.

На тој начин Ѓоргиев обезбеди најмалку бронза, а во полуфиналето ќе ги одмери силите против Никола Николов од Бугарија.

Во втората полуфинална пресметка се соочуваат Елјан Алкишијев од Азербејџан и Босанецот Никола Дробњак.

На ова СП партиципираат вкупно 1418 кикбоксери со 1593 натпреварувачки влезови од 69 земји.

Видео на денот