Одбојкарската репрезентација на Македонија ја совлада селекцијата на Унгарија со 3:2 во сетови и го освои третото место во Европската сребрена лига. Избраниците на селекторот Ратко Павличевиќ славеа со 25:22,18:25,25:15,19:25, 15:7,.

Во првиот сет беше забележана голема борба  во која на крајот поуспешни беа македонските одбојкари. Унгарците возвратија во вториот сет во кој доминираа и на крајот го добија со 18:25.

Нашите одбојкари брзо се созедоа по загубениот втор сет и во третиот одиграа фантастично, на стартот се одлепија и рутински ја одржуваа предноста и на крајот славеа со 25:15. Противникот повторно возврати со подобра во четвриот сет, Унгарија дојде до предност од четири поени, а потоа поведе и со седум поени по што стана јасно дека победникот ќе се решава во петтиот сет.

Во одлучувачкиот сет, македонските одбојкари фуриозно започнаа, направија предност од четири поени и на крајот славеа со убедливи 15:7 што значеше освојување на третото место.

Најдобар поентер на средбата беше капитенот Никола Ѓорѓиев со 28 поени.

Во досегашните настапи во Европската сребрена лига имаат две бронзи, четири сребра и едно четврто место.