Линдзи Вон како што е познато ги заврши Олимписките Игри со тешка повреда која ја заработи по само 13 секунди на патеката во нејзиниот прв настап во Италија, а денеска ѝ беше извршена и петтата операција.

По четирите хируршки интервенции во Тревизо, каде ѝ беше санирана скршеницата на ногата, Вон по враќањето во САД повторно беше оперирана по петти пат. Таа соопшти дека зафатот, кој траел повеќе од шест часа, поминал успешно, но закрепнувањето е исклучително болно и исцрпувачко.

„Само кратко известување… последната операција помина добро. Траеше нешто повеќе од шест часа. Се опоравувам, но болката е тешка. Напредокот е бавен, но се надевам дека наскоро ќе ја напуштам болницата. Ви благодарам на сите за поддршката“, напиша Вон.

Скршеницата на потколеницата на левата нога е многу комплексна, поради што лекарите предупредуваат дека рехабилитацијата ќе трае подолго од очекуваното.

 

View this post on Instagram

 

A post shared by L I N D S E Y • V O N N (@lindseyvonn)

Линдзи Вон посилна од повредата – додека има шанса, ќе се обиде да настапи на ЗОИ 2026

Американски тренер ги откри првите детали за повредата на Вон, прогнозите не се оптимистични