Македонската младинска машка ракометна репрезентација го заврши настапот на Европското првенство со пораз од Србија (30-34), со што го освои 20. место на континенталниот собир.

Српските ракометари уште во првото полувреме ја презедоа контролата врз натпреварот и на паузата заминаа со убедлива предност од 20-12. Во продолжението избраниците на Македонија заиграа далеку подобро и успеаја да ја намалат негативата, но немаа доволно сили за целосен пресврт.

Најефикасен во македонскиот состав беше Крстевски со 11 погодоци, додека Ѓурмешевиќ додаде седум гола.