На јавна дебата во општина Тетово минатата недела бил изнесен планот за воведување дигитални водомери, преку ангажирање приватна фирма, за да се подобри наплатата на потрошената вода во градот, информира Левица, а од партијата поставуваат низа прашања и со кои имплицираат дека е можна злоупотреба со најавениот тендер на кој ќе се бара компанија за дигиталните водомери.

„Општината ја пласира информацијата дека проектот е само чекор кон модернизација и поефикасен систем за наплаќање на сметките за вода. И оттука произлегуваат многу дилеми и прашања. Но, клучните прашања остануваат отворени: Општината веќе поседува водомери, од кои голем дел се украдени или извадени намерно; Зошто токму сега во вториот мандат на Касами се отвара ова прашање, а не е спроведена претходна истрага, каде завршиле тие водомери и кој е одговорен за нив? Наместо решенија и одговори на граѓаните им се нуди нов проект, со тендери преку приватна фирма, која останува мистерија, а истата поверојатно е сестринска фирма и врска до самиот тендер на владејачката партија“, велат од Левица.

Дополнително, на дебатата беше кажано дека бројот на корисници не е целосно евидентиран, а дел од нив воопшто не плаќаат вода. Просто кажано: за некого мајка, за другиот маќеа”. Оттука прашуваме: Дали ова важи и за населбата кај Блок 82, кај ресторант Мема, каде со децении никој не ни плаќа, ниту им стига сметка за вода. На диво се приклучени и жителите на новата населба над Теќе – таканаречената „населба на УЧК“, каде ЕВН не може да исклучи корисници, не пак Касами да им приклучи водомери“, пишуваат од партијата во соопштение.

„На крајот, го поставуваме прашањето: „Дали ќе се поставават конечно насекаде и по вторпат, фамозните дигитални водомери и чија ќе биде фирмата која ќе се заслади со тендерот?“ Останува да следиме будно и внимателно, која ќе биде фирмата-к’сметлија и дали ќе биде спроведена целосна дигитализација, бидејќи патот е долг, трнлив, а мисијата невозможна“, велат од Левица-Тетово.

Општината не смеела да го блокира тетовецот Видоески на Фејсбук, утврди КСЗД – тоа е дискриминација