Поранешната специјалната обвинителка, Катица Јанева, која е осудена на седум години затвор, од кои веќе четири години е во КПУ „Идризово“, викендов го напушти затворот, а од Кривичниот суд сега ја објаснуваат процедурата по која на Јанева казната ѝ е скратена за осум месеци.

„Заради интерес на повеќе претставници на медиумите околу Условниот отпуст на поранешната обвинителка, правосилно осудена во предметот познат како „Рекет“, ја информираме јавноста дека: На 12.12.2024 година Кривичниот совет на Основниот кривичен суд Скопје, по предлог на осудената К.Ј., правосилно осудена со предметот КОК 116/19, донесе решение со кое се прифаќа предлогот и на осудената и се дозволува условен отпуст од издржување на затворската казна, кој започнува од 21.12.2025 година, а трае до 21.08.2026 година“, информираат од Крицичниот суд Скопје

„Односно од седумгодишната затворска казна, која ја издржува осудената, дозволен е условен отпуст од 8 месеци“, додаваат оттаму.