ФОТО | Кристина Eплгејт се огласи за првпат откако заврши во болница: „Секој ден сум посилна и подобра“
Кристина Еплгејт, 54-годишната ѕвезда од „Брак“ и „Мртва за мене“, беше хоспитализирана поради борбата со мултиплекс склероза (МС). Таа сега проговори за првпат по хоспитализацијата. Објави фотографија од својата книга и испрати порака до обожавателите.
Препорачано
– Ви благодарам за изливот на љубов и желби за добро здравје. Здравствените проблеми се постојана појава за мене, но јас сум силна девојка и секој ден станувам посилна и подобра. Одвојувам еден момент да се фокусирам на моето здравје, но наскоро ќе се вратам и ќе имам повеќе да кажам – напиша актерката.
За нејзините пријатели, ова е болен пресврт на настаните и дел од тешката реалност со која се соочуваат.
View this post on Instagram
Извор близок до актерката рече дека нејзината состојба е тешка.
– Со секој неуспех, ако сме реални, секој има потсвесна мисла дека можеби нема да го види утрешниот ден со неа – рекол тој.
Сепак, нејзините пријатели не губат надеж.
– Кристина е борец, но нејзината борба со мултиплекс склероза е подмолна. Има добри и навистина лоши денови; нема одлични денови. Таа секогаш се бори со нешто. Ужасно е. Но, кога гледа на тоа од светлата страна, тоа ѝ помага да се чувствува подобро во моментот бидејќи има толку многу пријатели кои се тука за неа, барем само да слушаат, да плачат со неа и сè помеѓу – објаснил изворот.
Кристина често отворено зборува за својата здравствена состојба. Во 2024 година, таа призна дека нејзиниот живот, кој го поминува претежно во кревет, станал „жив пекол“.
Низ сето тоа, нејзината најголема поддршка е нејзиниот сопруг Мартин Ленобл, со кого е во брак 13 години и со кого има 15-годишна ќерка, Сејди. Актерката претходно изрази загриженост за товарот што нејзината болест го става врз нејзиното семејство.
И покрај сопствените борби, Аплгејт го лансираше подкастот „Месси“ во 2024 година со ѕвездата од „Сопранови“, Џејми-Лин Сиглер, на која исто така ѝ е дијагностицирана мултиплекс склероза. Подкастот има за цел отворено и без претерување да зборува за животот со болеста.
Портпаролот на Кристина Еплгејт не коментираше дали актерката била хоспитализирана или детали за нејзиниот третман.
– Таа имаше долга историја на комплицирани медицински состојби за кои беше освежително отворена, што е очигледно во нејзините мемоари и подкастот – рекол тој.
