Вега внимателно ги става своите копита на темниот ламинат. Чекор по чекор, кобилата влегува во фоајето на домот за стари лица во Бикбург, во северозападна Германија, пишува ДПА.

Ѕвецкањето на потковиците ги привлекува првите љубопитни погледи.

„Слободно приближете се, таа е многу внимателна“,  им рекол Неле Пласмаер на сè уште малку воздржаните станари, додека животното го водел само лабаво за поводникот.

Луѓето се охрабриле. На патот кон трпезаријата, неколку жени во колички го следеле коњот.

Таму каде што жителите на домот за стари лица „Хигегартен“ обично јадат, персоналот веќе ги отстранил масите за да направи место за необичната гостинка.

Околу 20 жени и мажи седеле во круг и ја чекале Вега.

Многумина биле видливо слаби. Некои имаат проблеми со изразувањето, се борат со симптомите на деменција или се трајно врзани за инвалидска количка.

Жителите биле многу среќни кога слушнале дека Вега повторно ќе дојде, рекла Тања Шал, која ја води социјалната служба во домот.

„Коњот едноставно зрачи со смиреност што веднаш се пренесува на луѓето. Тоа е прекрасно.“

Кафеавата кобила љубопитно гледала околу себе, ги ширела ноздрите и душкала, истражувајќи ја необичната околина.

„Таа точно гледа дека тука мора да се движи бавно и внимателно – но ние го вежбавме тоа“, рекла сопственичката на Вега, 23-годишната Пласмајер.

„Ова е толку убаво. Пораснав на село, имаше коњи насекаде“, рекла една жена, блескајќи додека со треперечка рака го галела вратот на Вега.

„Ова е нешто навистина посебно за нас овде“, коментирал еден човек во количка, откако неколку минути со четка ја чешлал слабината на Вега.

Пласмајер полека ја водел кобилата низ собата. Никој не се повлекувал пред големото животно.

Вега постојано добива деликатеси и ја милуваат.

По околу 45 минути, посетата била завршена – кобилата полека се движела кон излезот. На улицата, без двоумење влегла во својата приколка.

„Водам сметка да не биде стресно тоа ниту за неа“, рекол Пласмајер.

Другите домови за стари лица во Германија, исто така, се потпираат на корисните ефекти на понијата и другите животни.

Германското здружение за заштита на животните ваквите посети генерално ги оценува позитивно. Допирањето на животно може да ја подобри благосостојбата на пациентите.

Меѓутоа, мора да се води сметка и за животното, нагласува здружението. Особено ако коњот покажува знаци на стрес, посетата мора да се прекине.