Конечно добри вести од британското кралско семејство – Ново кралско бебе пристигнува во 2021 година! (ФОТО)
Принцезата Евгенија и Џек Бриксбенк го очекуваат своето прво дете, кое на свет би требало да пристигне во 2021 година.
И Бекингемската палата потврди дека британската принцезата Евгенија и нејзиниот сопруг Џен Бруксбенк го очекуваат своето прво дете.
Парот се венчаше во октомври 2018 година, а приновата би требало да пристигне на почетокот на 2021 година, а веста на Инстаграм ја потврди 30-годишната Евгенија.
„Џек и јас сме многу возбудени за почетокот на 2021 година“, напиша принцезата покрај фотографијата на која во рацете тие држат детски обувки во облик на мече.
Нивното дете ќе биде и првото внуче на нејзините родители Ендру и Сара Фергусон и деветто правнуче на кралицата Елизабета и принцот Филип.
Сестрата на принцезата Евгенија е принцезата Беатрис од Јорк која неодамна се омажи за тајкунот Едуардо Мапели Моци, при што на венчавката ја носеше венчаницата од кралицата Елизабета.
„Нејзиното кралско височество принцезата Евгенија и господинот Џек Бруксбенк со задоволство објавуваат дека на почетокот на 2021 година ќе станат родители. Војводата и војвотката од Јорк, госпоѓата и господинот Бруксбенк, Кралицата и војводата од Единбург се воодушевени од оваа вест“, пишува во службената кралска објава.