Вчера навршија точно седум години откако почина Душан Љубисављевиќ- Дуле, пејачот на познатото дуо „Дуле и Коки“. На 23 септември 2013 година, луѓето беа во шок кога медиумите објавија дека почина еден од дуото – виолина и гитара.

Дуле иако скромен, успешно се проби на сцената на која заедно со својот колега како дуо опстојуваа долги години, па за нив слободно може да се каже дека ги сакаа и колегите и пријателите и народот. Ако популарноста се мери според посетеноста на настапите на Дуле и Коки, тој беше ѕвезда, но остана скромното момче од Штип, неговиот град, во кој заедно со Коки на „Макфест“ во 1996, победија со песната „Виолина и гитара.“

Виолинистот Никола Јанков- Коки на својот Фејсбук профил му посвети писмо лично на Дуле, му порача дека не е заборавен и дека и денес додека свири очекува Дуле од некаде да се појави. Во писмото му прераскажа неколку лични нешта, а на крајот му вети дека сепак ова нема да биде последното писмо и дека наскоро ќе му пише пак.

Прочитајте го писмото во целост…