Производ увезен од Кина е исклучително опасен за здравјето, откри европскиот систем за безбедност на храната (РАСФФ). Станува збор за метална чаша произведена во Кина, која била дистрибуирана на словенечкиот и хрватскиот пазар преку увозник од Велика Британија.

За среќа, Словенците зеле примероци од чашата и веднаш ги анализирале. Резултатите биле катастрофални. Имено, откриена е миграција на неколку метали – бариум, кобалт, олово, манган, никел, алуминиум – од метална чаша од Кина. Заклучено е дека консумирањето храна и пијалоци од овие чаши може сериозно да го загрози здравјето на луѓето. Миграцијата на некои од анализираните метали е 400 пати поголема од дозволените вредности!

Моментално нема официјални информации од Државниот инспекторат на Република Хрватска за овој случај, па затоа деталите за спорниот производ се непознати. Во секој случај, додека не откријат сè, не ги користете кинеските метални чаши што сте ги купиле деновиве, ниту купувајте нови, советува Даница.хр.