Кина забрзано го зајакнува нуклеарниот арсенал, полиња со ракетни силоси никнуваат на западот на земјата
Кина гради второ поле со ракетни силоси во своите западни пустини, што укажува на потенцијално проширување на кинескиот нуклеарен арсенал и ја доведува во прашање посветеноста на Пекинг кон својата стратегија за „минимално одвраќање“, покажа новото истражување на американските истражувачи.
Новата ракетна база во кинескиот регион Ксинџијанг, идентификувана со сателитски снимки, може да има 110 силоси, се наведува во извештајот објавен од Федерацијата на американски научници (ФАС), како што пренесува Си -Ен -Ен.
China is digging another field of nuclear missile silos. Does it signify an expansion of its arsenal, or is it a creative (if costly) negotiating ploy? https://t.co/eaXaOdzMoo
— The New York Times (@nytimes) July 27, 2021
Тоа е второ поле на силоси откриено од истражувачите овој месец, покрај 120 силоси кои се чини дека се веќе во изградба во соседната провинција Гансу, како што е детално опишано од американскиот „Џејмс Мартин Центар за нуклеарни студии за неширење нуклеарно оружје“.
Двете локации, заедно, претставуваат „најзначајно проширување на кинескиот нуклеарен арсенал досега“, се вели во извештајот на ФАС.
Си-Ен-Ен ги контактираше кинеското Министерство за надворешни работи и Министерството за одбрана за да добијат коментари за последниот извештај.
China appears to be building a second missile silo field, eventually possibly with 110 silos. New York Times has the story https://t.co/muVf92ywRc based on our analysis https://t.co/5SVrV0iThj
My assistant @mattkorda found it first. Thanks to @planet for satellite images. pic.twitter.com/pMumZt1ZNX
— Hans Kristensen (@nukestrat) July 27, 2021
Адам Ни, директор на Кинескиот политички центар со седиште во Канбера, рече дека откривањето на полето за силоси е „прилично убедлив доказ за намерата на Кина значително да го прошири својот нуклеарен арсенал побрзо отколку што предвидуваа многу аналитичари“.
Кина користела околу 20 силоси со децении за своите интерконтинентални балистички ракети со течно гориво (ICBM) наречени DF-5, но сега се чини дека гради 10 пати повеќе, веројатно за да се смести најновиот ICBM познат како DF-41, се вели во извештајот на FAS.
