Младата 19-годишна Швјонтек го направи најголемиот успех во кариерата и во сабота ќе се бори за првиот грен слем трофеј откако во полуфиналето ја совлада Надја Подороска од Аргентина со убедливи 6:2,6:1.

Welcome to the final ?

19-year-old @iga_swiatek dominates Podoroska 6-2 6-1 to become the first ?? woman in the Open Era to reach the title match in Paris.#RolandGarros pic.twitter.com/48CIv1C8vO

— Roland-Garros (@rolandgarros) October 8, 2020

Швјонтек стана прва полска тенисерка која ќе игра во финалето на Ролан Гарос, а за победата над 131. тенисерка на ВТА ранг листата и беа потребни само 72 минути игра.

Во второто полуфинале, Американката Софија Кенин доби можност да се бори за својата втора грен слем титула. Шампионката од Австралија Опен со 6:4,7:5 ја совлада Петра Квитова.
Во првиот сет Кенин два пати го одзеде сервисот на противничката и без многу проблеми дојде до 6:4 и водство од 1:0.

И во вториот сет, Американката прва направи брејк за 3:2, но кога сервираше за победа во десеттиот гем Квитова возврати. Сепак, Кенин која беше подобра тенисерка на овој дуел, веднаш во наредниот гем прави рибрејк по што со сигурен сервис дојде до триумф од 7:5 и можност да се бори за втората грен слем титула. Финалето во женска конкуренција ќе се игра в сабота.