Кандидати за Париз 2024: Додевски и Георгиевска со медали на Президент купот во Истанбул

Анамарија Георгиевска освои бронза, а Филип Додевски сребро/Истанбул, Турција/16 септември 2021/Фото: Македонска-Tаеквондо-Федерација

Македонското теквондо продолжува да бележи успеси на меѓународната сцена, после историскиот успех на Летните олимписки игри во Токио каде што Дејан Георгиевски се закити со сребро.

Нашата земја настапи на еден од најсилните теквондо турнири во светот, шестиот „Президент Куп 2021“ Г1 во Истанбул, Турција, турнир кој се бодува за освојување олимписка норма на следните олимписки игри кои ќе се одржат во Париз 2024 година.

Филип Додевски во категоријата -87 кг. го освои сребрениот медал со три победи над Ахмет Кескин од Турција, потоа Таха Бицер исто така од Турција, воедно актуелен европски шампион до 21 година.

Триумфираше и против Рафаел Камалов (Русија), втор на светската ранг листа во оваа категорија), а во финалето беше поразен од Роберто Бота (Италија, кој е актуелен бронзен медал од Европско првенство.

Анамарија Георгиевска во категоријата -67кг дојде до бронзениот медал со две победи над Аисе Кирачаоглу од Турција и Андреа Мокаму од Романија. Во полуфиналето нашата натпреварувачка претрпе пораз од Атанасија Митсополу (Грција).

Одлични борби имаа Филип Стаменов и Марко Аврамовски, додека Дејан Георгиевски не настапи на овој турнир заради поситни повреди.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот