Црниот Петок традиционално носи големи попусти и огромен број онлајн-нарачки, но истовремено претставува и период кога измамниците се најактивни. Според податоците од европските институции за дигитална безбедност, токму последната недела од ноември е најризична за интернет-пазарување поради бројните лажни сајтови, фалсификати и скриени трошоци. За да ги избегнете замките и да ги искористите попустите безбедно, експертите советуваат на што треба да обрнете внимание пред да кликнете „купи“.

ВИДЕО ИНТЕРВЈУ | Лончар: Македонија е единствена држава во светот каде „црн петок“ трае цел месец

Најпрво велат дека треба да се купува само од проверени продавници. Најголем број измами се случуваат на лажни веб-страници кои изгледаат како оригинални продавници.
Велат прво проверете дали адресата започнува со https://, дали има заклучено катанче покрај URL-то, дали доменот е исправен (пример: amazon.com, а не amaz0n-shop.net).

Дополнително советуваат да се избегнуваат продавници кои немаат јасно објавени контакти, адреса или политики за враќање.

– Истражете ги продавниците пред да купите, велат во Организацијата на потрошувачи на Македонија.

Пред купување, проверете рецензии од реални корисници, присуство на социјалните мрежи, колку долго постои веб-страницата, дали некој претходно пријавил измама. Јавните форуми и групи за попусти често брзо откриваат сомнителни продавници.

Евтиното секогаш не значи и квалитетно, но не значи и дека ќе ви биде испорачано. Внимавајте на нереално ниски цени. Ако производот чини половина од неговата нормална цена, голема е шансата да е фалсификат, да не ви стигне, да се работи за лажна продавница која собира податоци од картички. Измамниците ја користат желбата за „голем попуст“ како најсилна замка.

За плаќање користете безбедни начини, а најлесен и најбезбеден е со картичка со лимитирани средства. Пред да кликнете „купи“ проверете ги деталите за производот и скриените трошоци. За време на „Црн петок“ многу сајтови рекламираат ниски цени, но наплатуваат висока достава, царини, даноци и доплати за враќање на пратката.

Дали „Црн петок“ ќе го замрси посниот ноември? 

Секогаш проверувајтеи „финална цена“, политика за враќање и рок на испорака. Некои продавници за го продолжуваат рокот на испорака за неколку недели. Не кликајте на сомнителни реклами и линкови. Никогаш не внесувајте број од картичка преку линк добиен преку порака и чувајте ги потврдите, сметките и мејловите. Во случај на проблем, потврдата за нарачка, потврдата од банката и преписката со продавницата се вашиот доказ за рефундација. Многу банки нудат „chargeback“ за измамни трансакции — но само ако имате доказ. „Црниот петок“ е одлична можност за заштеда, но и период кога измамниците се најактивни. Со внимателност, проверка на продавниците и користење безбедни начини на плаќање, можеме да го искористиме овој ден на попусти без ризик.

Безбедноста треба да биде прв приоритет, а попустите – само бонус.