Јаулевски: ВМРО-ДПМНЕ е партија која дава големи шанси на младите
Лидерот на УМС на ВМРО-ДПМНЕ, Јован Јаулевски во денешното гостување на Утрински Брифинг на „Слободна ТВ“ рече дека свесни се за проблемите со кои што се соочуваат младите во земјава.
– Што се однесува до младите во ВМРО-ДПМНЕ треба да имаме поинаков пристап од во рамки и на партијата и општеството со цел на надминување на проблемите. Сите сме свесни дека младите во Македонија се соочуваат со проблем – пред се иселувањето. Одливот на мозоци е исто така проблем. На осмо место во светот сме што е запрепастувачки. Генерално за сите во Македонија проблем е владеењето на правото и корупцијата, како и проблемот, ако не и коренот на проблемите е образованието и неговиот квалитет“, изјави за Утрински брифинг Јован Јаулевски, лидер на УМС на ВМРО-ДПМНЕ.
Тој истакна дека УМС активно учествуваат во креирање на програмата на ВМРО-ДПМНЕ и нејзините цели, кои се надминување на споменатите проблеми на среден или подолгорочен рок.
– УМС на ВМРО-ДПМНЕ располага со високо квалитетен образуван кадар. Во таа насока располагаме со огромен број на комисии во рамки на подмладокот. Челните луѓе имаат слух за нашите проблеми и идеи. Токму при изготвувањето на програмата формиравме работна група во рамки на УМС што ги детектира проблемите на терен. Во рамки на комисиите се изготвуваат мерките и решенијата за на крај со експертската комисија на ВМРО-ДПМНЕ се формализираат проектите, вели Јаулевски.