Ја виделе маќеата топлес додека ја чистела гаражата: Ја чека сериозна казна – Слободен печат
ЖенаМагазин

Ја виделе маќеата топлес додека ја чистела гаражата: Ја чека сериозна казна

Жена од Јута е обвинета пред судот поради голотија, бидејќи посиноците ја виделе топлес во сопствениот дом, се бори за невиност, бидејќи доколку ја осудат може да биде регистрирана како сексуална престапничка.

Таа и нејзиниот маж, татко на децата, ги соблекле маиците за да не се извалкаат, додека ја средувале гаражата. Адвокатите Тили Бјукенен наведува дека законот не е фер, бидејќи не ги третира исто мажите и жените поради разголување на градите.

Тие бараат од судиите да го променат обвинението за непристојно однесување и да го прогласат тој дел од законот за неуставен.

Обвинителите, од друга страна, сметаат дека во американското друштво под голотија подразбираат женски гради и дека сите закони се базирани на морал.

Судијата, сепак, смета дека случајот е премногу важен за одлуката да се донесе веднаш, па одлуката се очекува дури наредните месеци.

Кога децата, кои имаат од 9 до 13 години влегле и ја затекнале без горен дел на облека, таа објаснила дека себеси се смета за феминистка и дека се обидува да истакне дека сите треба да се чувствуваат комфорно додека шетаат во својот дом или било каде покажувајќи гола кожа. Тили Бјукенен во февруари е обвинета за три точки за непристојно однесување, во кое е вклучено и дете.

Социјалните служби отпочнале истрага поради децата кои не се нејзини, а мајката на децата го пријавила инцидентот на надлежните, бидејќи била загрижена.

Нејзиниот сопруг не е обвинет иако и тој од појасот нагоре бил гол.

– Тоа се случи во приватноста на мојот дом. Мојот сопруг беше покрај мене, гол на истиот начин како и јас, а него не го обвинија, наведува таа.

Доколку судот пресуди дека таа е виновна, Тили Бјукенен би можела да биде регистрирана како сексуален престапник на 10 години.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close