Изолацијата му донесе нова професија: Бекам стана пчелар (ВИДЕО)
Фудбалската, а слободно може да се каже и модната икона – Дејвид Бекам времето во изолација одлучи да го искористи на продуктивен начин.
Тој на својот профил на Инстаграм со обожавателите сподели видео во кое тој прави рамка за кошницата.
Во видеото можете да видите како Бекам фокусирано и вешто ракува со чеканот ковајќи ги рамките за сандакот кој се уште е во рана фаза на изработка. Истовремено, неговата сопруга Викторија која го снима, ја објаснува процедурата и коментира колку е убаво да имате сопствен мед.
Инаку, сопружниците заедно со своите три помлади деца времето на изолација го поминуваат во идиличната селка куќа во Англија, а се чини дека спортската ѕвезда добро се прилагодила на тој начин на живот бидејќи често на својот профил на Инстаграм објавува фотографии од прошетките по околните полиња и брда.
Дејвид Бекам е сопственик и на голема површина со лозје, а се занимава и со производство на виски.
