Рускиот тенисер Андреј Рубљов, кој моментно е рангиран на 13 место во светот, денеска доживеа пораз во првото коло на грен слем турнирот Вимблдон.

Тој загуби од својот сонародник Роман Сафиулин во првото коло со 3:2 во сетови 6:4, 6:7 (6), 3:6, 6:3 и 7:6 (12). Ова е првото големо изненадување во машкиот дел од натпреварувањето.

Сафиулин го доби првиот сет, но Рубљов возврати во тај-брејкот од вториот сет.

Рубљов поведе и со 2:1 во сетови, откако третиот го доби со 6:3, но 132 играч на светот славеше со идентичен резултат во четвртиот сет.

Петтиот последен сет го даде победникот, а истиот заврши во неизвесен тај-брејк во кој подобар беше Сафиулин со 14:12.

Следен ривал на Сафиулин ќе биде Холанѓанецот Ботик ван де Зандшулп кој 6:3, 6:7 (2), 6:4 и 6:0 го елиминираше Александар Ковачевиќ од САД.

Изненадување направи и Полјакот Хуберт Хуркач кој за два часа и четири минути игра со 6:4, 6:2 и 7:6 (7) триумфираше над 12 играч во светот, Норвежанецот Каспер Руд.

Во второто коло, Хуркач ќе игра со победникот од дуелот меѓу Х. Меѓедовиќ (Србија) и С. Офнер (Австрија).

Поранешен полуфиналист на Вимблдон го заврши настапот во првото коло