На Националното првенство за сениори во атлетика, кое викендов се одржа во Скопје, машката штафета на Македонија постави нов национален рекорд во дисциплината 4х400 метри.

На Националната арена „Тодор Проески3 во Скопје, со време од 3:15.82 минути, македонската штафета го подобри досегашниот национален рекорд од 3:20.69 за речиси пет секунди.

Штафетата настапи во состав: Огнен Стефановски, Михаил Петров, Гилман Јунузи и Јован Стојоски, кои со одличен тимски настап поставија нови стандарди во македонската атлетика.

На Националното првенство најдобрите македонски атлетичари и атлетичарки се бореа за титулите државни шампиони како и за исполнување на нормите за претстојните меѓународни натпреварувања.