Џорџ Расел стигна до својата втора победа во актуелната сезона на Формула 1, откако триумфираше на трката за Големата награда на Австрија што се возеше на патеката „Ред Бул Ринг“.

Возачот на Мерцедес од самиот почеток го наметна своето темпо и со сигурно возење не им остави шанса на конкурентите да му ја загрозат лидерската позиција. Расел низ целта мина со време од 1:26:37.979, оставајќи го зад себе Макс Верстапен, кој задоцни 1,6 секунди, додека третото место го освои лидерот во генералниот пласман, Кими Антонели, со речиси две секунди заостанување зад победникот.

Веднаш зад водечката тројка заврши Оскар Пјастри, додека искусниот Луис Хамилтон ја комплетираше првата петорка.

По десеттата трка во сезоната, Антонели останува на врвот во генералниот пласман кај возачите, пред Хамилтон, додека Расел со новите бодови дополнително се доближи и се наоѓа на третата позиција. Следниот предизвик за возачите ќе биде Големата награда на Велика Британија, каде што се очекува продолжување на возбудливата битка за шампионската титула.