Џенифер Лопез на Инстаграм сподели ретки фотографии од матурската прослава на своите 18-годишни близнаци, Макс и Еме Муњиз, кои ги доби во бракот со поранешниот сопруг Марк Ентони.

Пејачката и актерка им овозможи на своите следбеници мал увид во еден од најважните денови за нејзиното семејство.

На една од фотографиите е забележан емотивен момент во кој Макс, со неколку цветни венци околу вратот, ја прегрнува својата мајка по свечената церемонија.

Лопез објави и фотографии од Еме, меѓу кои и една на која матурантката, облечена во свечена тоалета и со виолетов венец, позира пред голем светлечки натпис „Генерација 2026“.

Покрај фотографиите од матурата, Џенифер сподели и моменти од своето секојдневие – фотографии од снимање, уживање во кроасан и чоколадо во кревет, како и релаксирање на каучот.

Таа објави и колачиња инспирирани од нејзиниот нов филм на Нетфликс, „Канцелариска романса“ (Office Romance), заедно со пораката: „Да се биде убав значи – целосно да бидеш свој.“

Во описот на објавата напиша: „Велат дека сум среќна, не се жалам… само ова чувство.“

Претходно овој месец, Лопез во интервју за „Екстра“ откри дека Макс и Еме биле примени на сите пет факултети на кои аплицирале, а за секој од нив добиле и стипендии.

„Толку сум горда на нив затоа што си поставија цели“, изјави таа.

„И двајцата беа примени на сите пет факултети на кои аплицираа. Не само тоа, туку за секој добија и стипендија. Одблизу гледав колку многу се трудеа.“

Лопез откри и дека и двајцата имаат АДХД, поради што морале да развијат поинаков начин на учење.

„Ги гледав како напорно работат уште од петто одделение, кога училиштето стана посериозно. Навистина вложија огромен труд. И двајцата имаат АДХД, па учат на поинаков начин. Имаше предизвици и тешки моменти, но неизмерно сум горда што ги остварија своите цели и што израснаа во добри луѓе“, рече Лопез.

ФОТО | Близнаците на Џенифер Лопез матурираа: „Имаше тешки моменти, но горда сум што успеаа“