Познат датумот за премиерата на документарецот посветен на животот на Ѓоковиќ
Документарниот филм за Новак Ѓоковиќ, насловен „The Wolf in Winter“, премиерно ќе биде прикажан на 20 август на платформата „Амазон прајм“.
Препорачано
Станува збор за продукција на „Words + Pictures“ i „Sadoux Productions“, во режија на добитникот на наградата Еми, Џејсон Нахир, кој е познат и како еден од авторите на документарната серија „Последниот танц“, посветена на легендарниот кошаркар Мајкл Џордан.
🚨The Novak Djokovic documentary ‘Novak Djokovic: The Wolf in Winter’ is set to premiere on August 20.
Who else is looking forward to it? 🙌🏻 pic.twitter.com/gHd0ULEOa6
— Danny (@DjokovicFan_) June 26, 2026
Во најавата за филмот се наведува дека гледачите ќе добијат досега невиден увид во животот на најтрофејниот тенисер во историјата, прикажувајќи го како сложена и контроверзна личност која ги надминала сите прогнози за да стигне до самиот врв на светскиот тенис.
„Тенисот ми даде многу, но најголемите битки не се водеа само на теренот. Овој документарец зборува за моментите што луѓето не можеа да ги видат, сомнежите, жртвите и напорната работа што стојат зад приказната за која многумина мислат дека ја знаат“, вели Ѓоковиќ.
Српскиот ас додава дека е горд што може да ја сподели оваа страна од својот живот со семејството, тимот, пријателите и навивачите кои биле покрај него во текот на кариерата.
„Во „Амазон прајм“ и Џејсон Нахир ја препознаа суштината на оваа приказна. Таа никогаш не беше само за тенисот, туку и за луѓето и вредностите што стојат зад успесите. Патувањето беше неверојатно, но сè уште не е завршено“, порача Ѓоковиќ.
Во најавата за филмот се потсетува дека Ѓоковиќ е роден во Србија за време на воениот период и дека детството го минал во тешки финансиски услови, поради што неговото семејство морало да направи бројни жртви за да ја поддржи неговата кариера.
🗓️ Novak Djokovic: The Wolf in Winter, the feature-length documentary, premiering exclusively on Prime Video on August 20th
🐺 By virtually every statistical measure, the greatest to ever hold a racket
🎥 The story retold offering an unprecedented look at the man behind the… pic.twitter.com/klW0elqcxf
— Prime Video Sport UK (@primevideosport) June 26, 2026
Ждреб за Вимблдон: Ѓоковиќ стартува против кинески тенисер, можен е дуел со Синер пред финалето
ВИДЕО | Ѓорческа: Татко ми ми беше „ветер во грб“ – секој ден ме возеше од Скопје до Тетово и назад
