Еквадор е погоден вистинска фудбалска еуфорија по историскиот пласман во нокаут-фазата на Светското првенство, а големиот успех на националниот тим беше одбележан и со симболичен потег на државниот врв.

Претседателот Даниел Нобоа го прогласи денешниот ден за државен празник, откако еквадорската репрезентација со победата од 2:1 против Германија обезбеди место меѓу најдобрите 32 селекции на Мундијалот. Со четири освоени бодови, Еквадор заврши на третата позиција во групата Е, но како една од најдобрите третопласирани репрезентации избори пласман во елиминациската фаза.

„Им честитам на фудбалерите и на селекторот. И покрај критиките, навредите и тешките моменти низ кои поминаа, тие останаа обединети и ѝ донесоа огромна радост на целата држава“, порача Нобоа.

Противникот на Еквадор во првата нокаут-рунда ќе биде познат по завршувањето на натпреварите во преостанатите групи, но без оглед на исходот, оваа генерација веќе испиша историски успех за еквадорскиот фудбал.

Швајнштајгер го разочара селекторот на Брегот на Слоновата Коска: Жално е да се слушнат такви коментари

Турција го заврши настапот на Мундијалот, но Ајхан испиша историја

Мундијалот руши рекорди по број на гледачи