Светската фудбалска федерација донесе одлука за суспензија на Фудбалската федерација на Непал, поради што репрезентацијата и клубовите од оваа азиска земја нема да можат да настапуваат во натпреварувањата под капата на ФИФА.

Одлуката стапува во сила веднаш и е донесена на неопределено време, а освен националниот тим, санкцијата ги опфаќа и сите клубови од Непал кои учествуваат на меѓународната сцена.

Во образложението на ФИФА се наведува дека причината за суспензијата е недозволено мешање на трета страна во работата на националната фудбалска федерација, што претставува прекршување на статутите на светската куќа на фудбалот.

Според информациите, санкцијата следува по повеќемесечниот спор меѓу Фудбалската федерација на Непал и Националниот спортски совет, кој се вмешал во изборниот процес и функционирањето на федерацијата.

Покрај забраната за настап во меѓународните натпреварувања, Непал останува и без пристап до развојните програми на ФИФА, стручните едукации, семинарите, како и финансиската поддршка што ја обезбедува светската фудбалска организација.

ФОТО | Дали Инфантино навистина гледаше два различни натпревари кои се играа во исто време?

Мундијалот руши рекорди по број на гледачи

Бунт во соблекувалната на Уругвај: Валверде и соиграчите му свртеле грб на Биелса