Mал авион удри кулата „Кина Зун“, највисоката зграда во Пекинг, по што на местото на настанот беа испратени полициски и спасувачки екипи, пренесува Ројтерс.

Кинеските власти не ја објавија причината за несреќата ниту информации за евентуални мртви и повредени.

На социјалните мрежи се појавија бројни видеа од различни агли, на кои се гледаат делови од авионот и стаклената фасада како паѓаат од зградата со 109 ката, додека припадници на службите за итни случаи се собираат околу облакодерот.

A small plane crashes into a 109-story skyscraper in Beijing, sending debris down the building’s side.

Local reports say the pilot Liu Junhua was conducting a solo flight in the local airspace, took off from Shifosi Airport at 17:30, and at 17:40 prepared to return for landing.… pic.twitter.com/drmOgMvQ9E

— Breaking Aviation News & Videos (@aviationbrk) June 26, 2026

Медиумите известуваат дека полицијата затворила одредени улици што водат до облакодерот, дека голем број припадници на безбедносните сили се распоредени околу зградата и дека дел од стаклената фасада недостасува на еден од повисоките катови.

Според локалните медиуми, авионот полетал од аеродромот Шифоси околу 17:30 часот по локално време.

За време на враќањето на слетувањето, тој наводно отстапил од планираната патека, го продолжил летот кон запад и удрил во облакодер. Сепак, овие тврдења засега не се официјално потврдени.

Администрацијата за цивилно воздухопловство на Кина и другите надлежни органи не издадоа официјално соопштение за околностите на несреќата до моментот на објавување, додека државните медиуми сè уште не објавија детални информации за инцидентот.