Едно лице го загуби животот во сообраќајна несреќа на Плетвар, каде се превртел камион со битолска регистрација.

Според првичните информации, несреќата се случила околу 18 часот на патот Прилеп-Градско кај селото Ореовец.

За загинатото лице потврда дојде од битолската брза помош.

Сообраќајот е во прекин, а колоните се километарски, за што сведочат и фотографиите што ни ги испратија од терен.

Возачи велат дека колоната од автомобили што чекаат е долга околу 15-20 километри.

Прекинот, како што информираше „Македонија пат“, е поради превртено товарно моторно возило и истурен песок на коловозот, што го оневозможува одвивањето на сообраќајот.