Инспектор од Државниот инспекторат за градежништво и урбанизам (ДИГУ), денеска излегол на терен и направил вонреден контролен инспекциски надзор над објект на КП -15972, КО Охрид 3, во Старото градско јадро во Охрид. При надзорот утвредено е дека и покрај претходно донесеното решение од Инспекторатот за отстранување на објектот, по истото не е постапено, информираа од Министерството за транспорт.

Согласно наодот на инспектор, посочуваат оттаму, Инспекторатот ќе донесе налог за „присилно административно отстранување на објектот согласно позитивните законски прописи“.

„Министерството за транспорт останува силно посветено на борбата против нелегалните објекти, доследно и без исклучоци, насекаде низ државата. Законот за градење важи подеднакаво за сите и нема да има селективна примена. Нема да дозволиме дивеење со бесправната градба и узурпација на јавното добро. Продолжуваме со одлучна и неселективна борба против нелегалните објекти со единствена цел, да воспоставиме ред и да го зачуваме јавниот интерес и простор“, соопштуваат од министерството.

ФОТО | Охрид се дави во проблеми: угостители работат без дозвола, врие од дивоградби, општината го тужи „Комуналец“