Иако групната фаза на Светското првенство сè уште не е завршена, на Мундијалот во САД, Мексико и Канада веќе е израмнет рекордот по бројот на автоголови.

Досега се постигнати 12 автоголови, со што е достигнат рекордот поставен на Светското првенство во Русија во 2018 година. Со оглед на тоа што остануваат уште натпревари од групната фаза, како и целиот елиминациски дел од турнирот, речиси извесно е дека ова достигнување ќе биде надминато.

Една од причините за ваквиот биланс е проширениот формат на натпреварувањето со поголем број селекции и натпревари. Сепак, вреди да се истакне дека рекордните 12 автоголови се достигнати по само 60 одиграни натпревари, додека претходните Мундијали со 32 репрезентации имаа вкупно 64 средби.

Интересно е што Светското првенство во Русија беше исклучок, бидејќи на повеќето претходни турнири автоголовите беа вистинска реткост. Во Катар во 2022 година беа постигнати само два автогола, исто колку и на Мундијалот во Јужна Африка во 2010 година, додека во Бразил во 2014 година беа забележани четири.

На актуелниот Мундијал најмногу автоголови имаат Египет и Катар со по два, додека по еден автогол си постигнаа Австралија, Јордан, Мароко, Парагвај, Саудиска Арабија, Швајцарија, Тунис и Узбекистан.

Број на автоголови по Светски првенства:

1930 – 1, 1934 – 0, 1938 – 2, 1950 – 0, 1954 – 4, 1958 – 0, 1962 – 0, 1966 – 2, 1970 – 1, 1974 – 3, 1978 – 2, 1982 – 1, 1986 – 2, 1990 – 0, 1994 – 1, 1998 – 5, 2002 – 2, 2006 – 4, 2010 – 2, 2014 – 4, 2018 – 12, 2022 – 2, 2026 – 12.

ФОТО | Дали Инфантино навистина гледаше два различни натпревари кои се играа во исто време?

Мундијалот руши рекорди по број на гледачи