Голем удар за организаторите и домашната публика пред Вимблдон – британската тенисерка Ема Радукану (23) го откажа настапот на најпрестижниот тениски турнир поради повреда на десната потколеница.

Таа ја објави својата одлука во недела навечер, само неколку часа откако на прес-конференција објави дека планира да игра. Радукану, која беше 30 носителка, требаше да игра против Хрватката Антонија Ружиќ на теренот број еден во првото коло.

Сомнежите во нејзината физичка подготвеност се појавија кон средината на минатата недела, кога беше видена како носи заштитна чизма на десната нога.

Поради болка во потколеницата, таа не тренираше во четврток и петок, а се врати на теренот дури во саботата за да ја провери својата состојба.

За време на тренингот, таа носеше завој на десната нога, одигра и сет против Ана Калинскаја. Сепак, тренингот беше прекинат околу 10 минути пред планираниот крај. На тренингот во неделата, се чинеше дека се движи малку подобро, но сепак не можеше да се движи со полн интензитет.