Селекторот на фудбалската репрезентација на Јужна Кореја, Хонг Мјунг Бо, поднесе оставка еден ден откако неговиот тим официјално го заврши својот настап на Светското првенство, пренесува „Би-би-си спорт“.

Искусниот 57-годишен тренер одлучи да се повлече веднаш откако тимот се врати дома откако се соочи со жестоки критики од јавноста, медиумите и јужнокорејскиот претседател.

Јужна Кореја го отвори Светското првенство со победа над Чешка, но загуби со 1:0 од Мексико и Јужна Африка во преостанатите два натпревари од групната фаза. Овој настап не беше доволен за да се пласира во нокаут фазата, бидејќи Корејците завршија меѓу четирите третопласирани репрезентации кои беа елиминирани од турнирот.

Хонг Мјунг Бо по вторпат не успеа со националниот тим да ја помине групната фаза на Светското првенство. Првпат го ја водеше селекцијата на Светското првенство во 2014 година, кога завршија последни во својата група зад Белгија, Алжир и Русија.

Со оставката на Хонг Мјунг Бо, Јужнокорејската фудбалска асоцијација сега ќе започне со потрага по нов селектор, кој ќе има задача да ја врати репрезентацијата на победничките патеки по разочарувачкиот настап на Мундијалот 2026.

View this post on Instagram

A post shared by 대한민국 축구국가대표팀 (@thekfa)