Новиот шеф на стручниот штаб на Реал Мадрид, Жозе Мурињо, јавно го изнесе своето мислење за актуелното Светско првенство, испраќајќи јасна порака дека воопшто не е задоволен од она што го прикажуваат екипите на теренот.

Харизматичниот Португалец без задршка призна дека фудбалот на шампионатот не му го задржува вниманието, а главната причина за падот на квалитетот, според него, е новиот формат на натпреварувањето и проширувањето на дури 48 национални селекции.

„Морам да бидам искрен. Некои натпревари ги исклучувам веќе по десет минути“, изјави трофејниот менаџер, а потоа подетално го анализираше моменталниот фудбал на планетарната сцена.

„Не ми се допаѓа тоа чувство. За мене Светското првенство е врвот на врвовите. Овде не е можно да гледаме 7:1 или 5:1. Ова е Мундијал!“

Од друга страна, искусниот стратег најде и една позитивна страна на целиот проект, истакнувајќи дека турнирот, без разлика на случувањата на теренот, сè уште има неверојатна социјална и емотивна вредност за планетата.

„Убаво е бидејќи целиот свет дише за фудбал“, заклучи Мурињо.

 

View this post on Instagram

 

A post shared by Improve Daily (@improve_daily11)

Марез „потврди“ дека натпреварот Алжир-Австрија е наместен: „Срамно е, но тоа е фудбалот“