Бранителот на титулата и прв светски рекет, Јаник Синер доста се мачеше во својот прв меч на грен слем турнирот Вимблдон во Лондон.

Италијанецот дури по пет сета со 6:4, 3:6, 7:6 (6), 6:2 и 6:3 го елиминираше Миомир Кецмановиќ од Србија по три часа и 32 минути игра.

Тенисерите во првиот сет освојуваа гемови на свои сервиси сѐ до деветтиот, кога Кецмановиќ направи брејк што му беше доволен за да поведе во мечот.

Синер направи брејк на Кецмановиќ во вториот гем од вториот сет, ја задржа предноста во брејкот и го израмни резултатот на 1:1.

Во третиот сет немаше брејк и се играше тај-брејк, кој српскиот играч го доби со 8:6.

Opening his title defence with a hard-fought win 💪

Jannik Sinner defeats Miomir Kecmanovic in five entertaining sets on Centre Court!#Wimbledon pic.twitter.com/wetY3JQQIA

— Wimbledon (@Wimbledon) June 29, 2026

Потоа Синер го засили темпото на игра, правејќи два брејка во четвртиот сет и еден брејк во петтиот, и со победа во пет сета, ја започна одбраната на титулата.

Синер во второто коло на Вимблдон ќе игра против Португалецот Нуно Боржеш кој со 6:3, 7:5 и 7:5 триумфираше против Американецот Тристан Бојер.

Со победа почна и Гркот Стефанос Циципас кој убедливо со 6:1, 6:4 и 6:2 елиминираше квалификант, Французинот Уго Гастон.

Во второто коло Циципас ќе игра со подобриот од дуелот меѓу Јибинг Ву од Кина и Новак Ѓоковиќ од Србија.