Премногу седење ги оптоварува грбот, тетивата, вратот и рамената и предизвикува сушење на глутеалните мускули на задникот, а лошо влијае и на менталното здравје.

Ако работите во канцеларија во седечка положба, седејќи поминувате повеќе време од просечен човек на возраст постар од 75 години, вели неодамнешното истражување.

Овој загрижувачки тренд на многу седење и недвижење лошо влијае на целокупното здравје, велат лекарите, и предупредуваат дека премногу седење му штети на организмот исто како и пушењето.

Седењето ни го оптоварува грбот, тетивите на колената, вратот и рамената и предизвикува сушење на глутеалните мускули на задникот, особено ако сме воедно и наведнати над бирото, а лекарите велат дека премногу седење и премалку вежбање помеѓу лесно доведува до воспаление на најголемиот нерв во човечкото тело; ишиатичен нерв.

Тој се протега од ‘рбетот низ колковите и низ задниот дел на нозете, каде што лицето обично чувствува болка кога е вклештен.

„Болката потоа оди и од колковите и може да биде блага, остра, може да се чувствува трнење и пецкање“, велат лекарите и додаваат дека седењето предизвикува и скратување на мускулите на колкот што може да доведе до проблеми со зглобовите.

Исто така, долгорочното седење може да предизвика и проблеми со грбот, особено ако постојано седите во лоша положба или не користите ергономски дизајниран стол, а може да биде и причина за компресија на ‘рбетните дискови, што доведува до негова прерана дегенерација, која е често многу болна.

„Во тој случај, лекар може да ви препише лекови за намалување на болката и воспалението кај артритис и други болни проблеми со колкот, кои се достапни и како креми и како гелови“, пишува „ВебМД“, пренесува британски „Мирор“.

Лекарот може да ви помогне и со препишување на кортикостероиди, лекови против болки и лекови за лекување на автоимуни и воспалителни болести.

Истражувањето на жените кои работат седечки покажало дека седењето повеќе од десет часа дневно доведува до тоа нивното тело да е биолошки постаро за осум години, а германските истражувачи покажаа дека седењето го зголемува ризикот од некои видови на рак – како што се ракот на дебелото црево, слузницата на матката и белите дробови.

Истражувањата го поврзуваа седењето и со голем број други здравствени проблеми. Тоа може да биде одговорно за дебелина, висок крвен притисок, висок шеќер во крвта, вишок телесни масти околу половината и нездраво ниво на холестерол.

Недоволното движење во текот на денот може да влијае и на менталното здравје на човекот, а неодамна објавеното истражување вели дека луѓето кои поминуваат повеќе време седејќи се изложени на поголем ризик од депресија.

Сепак, истражувачите нагласуваат дека, иако е пронајдена поврзаност, не може да се каже дека положбата на телото предизвикува депресија, а на сите што седат многу им се советува да прават чести кратки прошетки во текот на работниот ден.

„Лицата кои работат од дома можат да прошетаат пред, по и во текот на работниот ден, за да имаат чувство на патување до работа, што докажано ни користи и физичка и психичка“, заклучиле лекарите.