И тие се како сите нас – ѕвездите на забавата на „Венити фер“ по Оскарите се дружат и јадат бургери
Откако се угаси светлото на сцената во Долби Театарот, холивудската елита се пресели на најочекуваната забава на сезоната – традиционалната оскаровска забава на „Венити фер“ пред музејот ЛАКМА (LACMA) во Лос Анџелес. Оваа година, во неделата навечер, на црвениот тепих пред музејот прошетаа повеќе од 250 ѕвезди, правејќи ја оваа забава уште погламурозна од самото доделување на наградите.
Препорачано
Настанот годинава го водеше новиот глобален директор на списанието, Марк Гвидучи, кој одлучи забавата да биде поексклузивна од било кога.
„Годинава на оскаровската забава поттикнуваме обновено чувство на приватност, одиме дотаму што на гостите им лепиме налепници на камерите, но секогаш постои можност некој да ги прекрши правилата и да објавиме нивна фотографија“, изјави Гвидучи за магазинот.
Меѓу првите кои пристигнаа на забавата беше Мик Џегер, кој се дружеше со Лари Гагосиан. Недалеку од нив, Лари Дејвид седеше на кауч во разговор со режисерот на филмот „Марти Суприм“, Џош Сафди, додека Џад Апатов поминуваше држејќи ја чантата на својата сопруга Лесли Ман.
View this post on Instagram
Во близина на шанкот, Џејмс Мердок беше во длабок разговор со Ендру Рос Соркин, само неколку метри од својата поранешна маќеа, Венди Мердок.
Џејн Фонда привлече внимание со смела модна, но и активистичка изјава, носејќи на реверот голема значка со натпис „Блокирај го спојувањето“. Видена беше и Оливија Родриго, на која пријателките ѝ помагаа со потпетиците, додека Ал Пачино со беретка на глава беше потонат во разговор со Трејси Елис Рос и Сара Полсон.
View this post on Instagram
Пред салата, под греалки, Хана Ејбендер и Роби Хофман уживаа во бургери од In-N-Out. Гостите имаа тежок избор помеѓу класична брза храна, пица од „Domino’s“ и тестенини cacio e pepe од ресторанот „Funke“.
Во близина, најдобрите пријателки Никол Кидман и Наоми Вотс беа потонати во разговор, а меѓу присутните беа и Лорен Санчез и Џеф Безос.
По церемонијата, започнаа да пристигнуваат и гости кои дојдоа директно од доделувањето на Оскарите. Водителот на вечерта, Конан О’Брајан, од црвениот тепих се сретна со Дамсон Идрис, кој му честиташе за одлично завршената работа.
View this post on Instagram
Тијана Тејлор влезе на забавата и срдачно ја прегрна Ким Кардашијан, со која игра во серијата „Сè е фер“. Веднаш потоа пристигна и сестрата на Ким, Кендал Џенер, во друштво на Хејли Бибер. Врвот на вечерта за многумина беше доаѓањето на Кајли Џенер во длабоко деколтирана креација на Александар Меквин, држејќи го за рака Тимоти Шаламе, кој дури и на забавата не ги симнуваше очилата за сонце.
Вечерта продолжи во опуштена атмосфера, а надвор Каја Гербер се запозна со Пол Ентони Кели, по што брзо разменуваа искуства од снимањето на сериите на Рајан Мерфи. Покрај нив помина Зое Салдана, со бургер во рака, потврдувајќи дека дури и најголемите ѕвезди на крајот од вечерта сакаат само едно – добра забава и вкусна храна.
View this post on Instagram
View this post on Instagram
View this post on Instagram
