Хрватските путер, сирење, кајмак и млеко се продаваат поскапо во споредба со ЕУ
Во септември во однос на август годинава во Хрватска е намалено производството на кравјо сирење за 12,6 отсто, кајмак за 14 отсто, млеко за пиење за 10,8 отсто и путер за 8,1 отсто… Споредено со девет месеци лани, помалку е кравјо сирење за 3 отсто, кајмак за 5,5 отсто, млеко за пиење 13,6 отсто и путер дури 34,5 отсто.
Просечната откупна цена на млекото на ниво на ЕУ во септември изнесува 43,45 евра за 100 килограми и во однос на цените една година претходно е пониска за 20,3 отсто. Цената на млекото за октомври годинава во ЕУ е 43,47 евра, а во Хрватска е за речиси 11 отсто повисока.
Токму тоа е причината за повисоката малопродажна цена на млекото во Хрватска во однос на просекот во ЕУ. Но, не само млекото: поскапи се и другите млечни производи. Килограм првокласен путер во Хрватска во октомври чини 6,82 евра, што е за 43,4 отсто повеќе од просечната цена во Европската унија.
Сирењето Гауда во Хрватска чини 4,62 отсто (12 отсто повеќе отколку во ЕУ), а сирењето Едам чини 4,53 евра за килограм (9,4 отсто повеќе), пренесува Н1.