Хорхе Мартин ја има пол-позиција пред трката за Големата награда на Валенсија
Хорхе Мартин од „Прамак Дукати“ ја освои пол-позицијата пред Големата награда на Валенсија, Шпанија, во МотоГП категоријата на Светскиот шампионат во мотоциклизам.
Претендентите за титулата Фабио Квартараро и Франческо Бањаја беа под голем притисок. Французинот го освои четвртото, а Италијанецот осмото место.
Марк Маркез ќе стартува од втората позиција, Џек Милер ќе биде трет, а Фабио Квартараро ќе биде четврти.
Во вториот стартен ред им се придружуваат Алекс Ринс и Маверик Вињалес, додека во третиот се Бред Бајндер, Пеко Бањаја и Жоан Зарко.
Ова е последна трка сезонава во најсилната класа, во генералниот пласман кај возачите води Бањаја со 258 бодови, пред Квартараро кој има 235, третопласиран е Алеиш Еспаргаро со 212, само еден повеќе од Енеа Бастијанини.