Халеп елиминирана од полското „чудо“ на Ролан Гарос! (ВИДЕО)
Полската тенисерка Ига Швјонтек во женска конкуренција ја декласираше првата носителка Симона Халеп со 6:1 и 6:2 за еден час и осум минути игра во четвртото коло на грен слем турнирот во Париз, Франција.
Романката можеби беше и најголем фаворитка за титулата годинава, имаше 17 победи по ред, а лани на „Ролан Гарос“ загуби само еден гем против Швјонтек.
Swiatek stuns Halep!
Teenager @iga_swiatek needs just 70 minutes to end Halep’s streak 6-1 6-2.#RolandGarros pic.twitter.com/dlh5372wsY
— Roland-Garros (@rolandgarros) October 4, 2020
Но, 19-годишната натпреварувачка од Полска денеска одигра одличен меч, со нејзиниот „форхенд“ го диктираше темпото, скоро на сè имаше одговор и го обезбеди своето прво грен слем четвртфинале во кариерата.
До сега на турнирот Швјонтек ги совлада уште Вондрушова, Хсије и Бушар, а само во еден сет загуби повеќе од три гема, од Хсије (четири).
За пласман во полуфиналето ќе игра против Италијанката Мартина Тревисан која исто така направи изненадување елимирајќи ја осмата носителка Кики Бертенс од Хоандија со 6:4 и 6:4.