Ѓоковиќ може да ги престигне Федерер и Надал, но тоа не е доволно!

Фото: twitter.com/DjokerNole

Живееме во ерата на „голема тениска тројка“, а новата генерација никако да го преземе кормилото на „белиот спорт“. Секако, борбата за титулата најдобар на сите времиња продолжува..

Британецот Тим ​​Хенман, некогаш четврти играч во светот, верува дека Новак Ѓоковиќ може да стане најтрофејниот играч во историјата.

– Не би ја исклучил можноста да дојде до 24 грен слем титули, колку што има Маргарет Корт, но тоа е навистина многу тешко. Новак сега има 33 години и треба да освојува по две најголеми титули во следните четири години. Тоа е огромен предизвик – рече Хенман.

Хенман смета дека е многу пореално да ја заврши кариерата со 21 или 22 титули.

– Тоа е остварливо. Новак дури и оваа година одигра многу мечеви, иако имаше малку турнири. Тој е способен да победува континуирано. Тој е главен фаворит на секој турнир, освен на „Ролан Гарос“. Тој број од 21 или 22 титули е достижен. Верувам дека и Надал и тој ќе ја завршат својата кариера со повеќе грен слемови од Федерер, што беше незамисливо до пред една-две години – додаде Британецот.

Српскиот ас Ѓоковиќ досега има освоено 17 грен слем титули, додека неговите најголеми ривали Надал и Федерер имаат по 20.

Федерер нема да настапи на „Австралија опен“!

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот