19 C
Скопје

Ѓоковиќ и останатите тенисери му дадоа поддршка на својот колега кој влезе во „војна на зборови“ со првиот човек на АТП

На Мастерстот во Мајами, канадскиот тенисер Васек Поспишил направи скандал на теренот кога го критикуваше првиот човек на АТП, Андреа Гауденци, а потоа влезе во расправија со судијата и намерно губеше поени.

Потоа Поспишил откри дека бил навредуван од Гауденци.
– Што се случува со мене? Вчера претседателот на АТП еден и пол час ми се дереше за време на состанокот. Еден и пол час – изјави Поспишил.

Во одбрана на канадскиот тенисер застана Новак Ѓоковиќ.
„Се случуваат разни работи, но јас моментно не сум во Мајами. Сепак, Васек Поспишил ми е добар пријател и сочувствувам со него. Играчите на АТП ќе се согласат со мене дека тој е личност со голем интергритет и кој се грижи за доброто на своите колеги тенисери“, напиша Ѓоковиќ.

Позадината на целата приказна е многу подлабока и не станува збор за состанокот или вербалните напади, туку нападите и уцените со кои се соочуваат одредени тенисери.
Токму Ѓоковиќ и Поспишил за време на минатогодинешниот УС Опен ја формираа Унијата на професионални тенисери (ПТПА) и со тоа ги влошија одностите со АТП и нејзиниот прв човек Андреа Гауденци. Целта на ПТПА е да се „поправи економската структура на тенисот“ со цел да помогне на послаборангираните тенисери кои заработуваат далеку помалку.

 

По поддршката која ја доби од Ѓоковиќ, Поспишил почна да добива поддршка и од останатите тенисери.
„Заедништвото помеѓу тенисерите сега е потревно од било кога. Гласовите мора да се слушнат, да се почитуваат и да се прифатат. Не се обидувајте да ги замолчите, туку работете со нив“, напиша најдобриот канадски тенисер, Милош Раонич.

И Рајан Херисон застана во одбрана на Поспишил.
– Поспишил е одлична личност со големо срце. Помина многу часови и имаше многу главоболки за доброто на сите тенисери. Стресотт е нешто што го носите со себе на теренот и понекогаш тој е посилен од вас. Време е да се слушне гласот на тенисерите“, напиша Херисон.

 

Поврзани вести

Пуштени во продажба влезниците за ЕП 2022, навивајте за ракометарите за само 14 евра

Слободен печат

Реал подготви 80 милиони евра за Милинковиќ-Савиќ

Слободен печат

Најстарата жена на светот се откажа од носење на олимпискиот оган

Слободен печат

Реал ќе извиси, Левандовски гледа кон Премиер лигата

Слободен печат

Пеп Гвардиола кариерата ќе ја заврши во Барселона

Слободен печат

Ред Бул му ги краде инженерите на Мерцедес

Слободен печат

Остави Коментар