Гитарата на Курт Кобејн продадена на аукција за 1,5 милиони долари
Гитарата на пејачот на „Нирвана“, Курт Кобејн, во петокот беше продадена на аукција во САД за повеќе од 1,5 милиони долари.
Иконската сина електрична гитара Skystang I Fender Mustang, на која Кобејн свиреше за време на неговата последна турнеја, беше продадена за нешто повеќе од 1,58 милиони долари (1,45 милиони евра) на аукција во Нешвил.
Искинатите фармерки кои Кобејн ги носеше во спотот за песната „Heart-Shaped Box“ и на доделувањето на МТВ видео музичките награди (MTV Video Music Awards) чинат повеќе од 400.000 долари,а биле проценети од 10.000 до 20.000 долари.
Аукцијата беше дел од тридневната аукција „Свирени, носени и искинати: Рокенрол иконски гитари и сувенири“, на која беа прикажани повеќе од илјада предмети од музичките великани како Кобејн, Ерик Клептон, Елвис Присли, Принс, „Битлси“ и Френк Запа.