Француски тренер ја тестира силата на одбојкарите пред ЕП
Од завршувањето на клупската сезона избраниците на селекторот Никола Матијашевиќ се обидуваат да ја вратат натпреварувачката форма.
Тренираат 15 репрезентативци, а од денеска покрај тактичкиот дел, ќе работат и на физичката подготовка под надзор на кондициониот тренер кој доаѓа од Франција, Жан Пјер Рејно Шоке.
Интересен е податокот што овој тренер се грижи и за физичката состојба на играчите на Париз волеј, претходно работеше со браќата Ѓорѓиеви кои го носеа дресот на овој клуб.
Секако покрај неизбежната тактичка подготовка, ќе се проверуваат и силите, со цел да се издржуваат напорите за време на Европското првенство во септември, а таму за шест дена одбојкарите треба да одиграат пет натпревари во групната фаза.
До 22 јуни ќе се тренира во Скопје, па ќе следи одмор од три недели. Новиот собр ќе биде на 14 јули во Маврово, се планираат и контролни мечеви.
Во август се планирани тест средби со Шведска и Романија, потоа на турнирот „Чајка“ во Скопје ќе играат Белгија, Бугарија и Украина, а во септември и двомеч со Австрија на гостински терен.
Потсетување дека евро шампионатот ќе го започне против селекција на Финска на 12 септември, а потоа редоследно против Турција, Русија, Белорусија и домаќинот Словенија во Љубљана.